ਧਨੀਏ ਦੀਆਂ ਇਹ ਕਿਸਮਾਂ ਦੇਣਗੀਆਂ ਘੱਟ ਲਾਗਤ 'ਤੇ ਬੰਪਰ ਪੈਦਾਵਾਰ
Coriander Varieties: ਭਾਰਤ ਵਿੱਚ ਹਰੇ ਧਨੀਏ ਦੀ ਵਰਤੋਂ ਵੱਡੇ ਪੱਧਰ 'ਤੇ ਕੀਤੀ ਜਾਂਦੀ ਹੈ। ਅਜਿਹਾ ਕੋਈ ਵੀ ਘਰ ਨਹੀਂ ਜਿੱਥੇ ਧਨੀਆ ਨਾ ਵਰਤਿਆ ਜਾਂਦਾ ਹੋਵੇ। ਕਹਿੰਦੇ ਨੇ ਕਿ ਜੇ ਤੁਸੀਂ ਸਬਜ਼ੀ ਦਾ ਸੁਵਾਦ ਵਧਾਉਣਾ ਚਾਹੁੰਦੇ ਹੋ ਤਾਂ ਸਬਜ਼ੀ ਵਿੱਚ ਹਰਾ ਧਨੀਆ ਜ਼ਰੂਰ ਪਾਓ। ਇਹੀ ਵਜ੍ਹਾ ਹੈ ਕਿ ਹਰ ਘਰ ਵਿੱਚ ਕਿਸੇ ਵੀ ਸਮੇਂ ਹਰੇ ਧਨੀਏ ਦੀ ਲੋੜ ਪੈ ਜਾਂਦੀ ਹੈ। ਜਿਸਦੇ ਚਲਦਿਆਂ ਅੱਜ ਅੱਸੀ ਤੁਹਾਡੇ ਲਈ ਧਨੀਏ ਦੀਆਂ 5 ਸੁਧਰੀਆਂ ਕਿਸਮਾਂ ਦੀ ਜਾਣਕਾਰੀ ਲੈ ਕੇ ਆਏ ਹਾਂ, ਜੋ ਤੁਹਾਨੂੰ ਘੱਟ ਲਾਗਤ ਵਿੱਚ ਵਧੀਆ ਮੁਨਾਫ਼ਾ ਦੇਣਗੀਆਂ।
ਤੁਹਾਨੂੰ ਦੱਸ ਦੇਈਏ ਕਿ ਧਨੀਏ ਦੀਆਂ ਜਿਨ੍ਹਾਂ ਕਿਸਮਾਂ ਦੀ ਅਸੀਂ ਗੱਲ ਕਰ ਰਹੇ ਹਾਂ ਉਹ ਜ਼ਿਆਦਾਤਰ ਪੰਜਾਬ, ਮੱਧ ਪ੍ਰਦੇਸ਼, ਗੁਜਰਾਤ, ਰਾਜਸਥਾਨ, ਬਿਹਾਰ, ਆਂਧਰਾ ਪ੍ਰਦੇਸ਼, ਤਾਮਿਲਨਾਡੂ, ਮਹਾਰਾਸ਼ਟਰ, ਕਰਨਾਟਕ ਅਤੇ ਉੱਤਰ ਪ੍ਰਦੇਸ਼ ਦੇ ਕਿਸਾਨਾਂ ਲਈ ਢੁਕਵੀਆਂ ਹਨ। ਅਜਿਹੀ ਸਥਿਤੀ ਵਿੱਚ, ਆਓ ਧਨੀਏ ਦੀਆਂ ਇਨ੍ਹਾਂ ਚੋਟੀ ਦੀਆਂ ਪੰਜ ਕਿਸਮਾਂ ਬਾਰੇ ਵਿਸਥਾਰ ਵਿੱਚ ਜਾਣਦੇ ਹਾਂ...
ਮਸਾਲੇ ਵਾਲੀਆਂ ਫ਼ਸਲਾਂ ਵਿੱਚੋਂ ਧਨੀਏ ਦੀ ਕਾਸ਼ਤ ਕਿਸਾਨਾਂ ਲਈ ਬਹੁਤ ਲਾਹੇਵੰਦ ਹੈ। ਇਸ ਦੀ ਕਾਸ਼ਤ ਰਾਹੀਂ ਕਿਸਾਨ ਘੱਟ ਲਾਗਤ 'ਤੇ ਆਸਾਨੀ ਨਾਲ ਚੰਗੀ ਆਮਦਨ ਕਮਾ ਸਕਦੇ ਹਨ। ਕਿਉਂਕਿ ਬਜ਼ਾਰ 'ਚ ਧਨੀਏ ਦੀ ਹਮੇਸ਼ਾ ਮੰਗ ਰਹਿੰਦੀ ਹੈ ਅਤੇ ਉਨ੍ਹਾਂ ਨੂੰ ਇਸ ਦੀ ਚੰਗੀ ਕੀਮਤ ਵੀ ਮਿਲਦੀ ਹੈ। ਅਜਿਹੇ 'ਚ ਕਿਸਾਨਾਂ ਲਈ ਧਨੀਏ ਦੀ ਖੇਤੀ ਲਾਹੇਵੰਦ ਸੌਦਾ ਹੋ ਸਕਦੀ ਹੈ। ਇਸੇ ਲੜੀ ਤਹਿਤ ਅੱਜ ਅਸੀਂ ਦੇਸ਼ ਦੇ ਕਿਸਾਨਾਂ ਲਈ ਧਨੀਆ ਦੀਆਂ ਚੋਟੀ ਦੀਆਂ ਪੰਜ ਬਿਹਤਰੀਨ ਸੁਧਰੀਆਂ ਕਿਸਮਾਂ ਬਾਰੇ ਜਾਣਕਾਰੀ ਲੈ ਕੇ ਆਏ ਹਾਂ। ਧਨੀਏ ਦੀਆਂ ਇਹ ਕਿਸਮਾਂ ਕੁੰਭਰਾਜ, ਆਰਸੀਆਰ 41, ਸਿੰਪੋ ਐਸ 33, ਆਰਸੀਆਰ 446 ਅਤੇ ਹਿਸਾਰ ਸੁਗੰਧ ਹਨ, ਜੋ ਕਿ 8 ਕੁਇੰਟਲ ਪ੍ਰਤੀ ਏਕੜ ਤੱਕ ਝਾੜ ਦੇਣ ਦੇ ਸਮਰੱਥ ਹੈ ਅਤੇ ਇਹ ਸਾਰੀਆਂ ਕਿਸਮਾਂ 110 ਤੋਂ 150 ਦਿਨਾਂ ਵਿੱਚ ਤਿਆਰ ਹੋ ਜਾਂਦੀਆਂ ਹਨ।
ਧਨੀਏ ਦੀਆਂ ਪੰਜ ਸੁਧਰੀਆਂ ਕਿਸਮਾਂ
ਕੁੰਭਰਾਜ ਕਿਸਮ: ਧਨੀਏ ਦੀ ਇਹ ਕਿਸਮ ਖੇਤ ਵਿੱਚ 115-120 ਦਿਨਾਂ ਵਿੱਚ ਪੂਰੀ ਤਰ੍ਹਾਂ ਪੱਕ ਜਾਂਦੀ ਹੈ। ਇਸ ਕਿਸਮ ਦੇ ਦਾਣੇ ਆਕਾਰ ਵਿਚ ਛੋਟੇ ਹੁੰਦੇ ਹਨ ਅਤੇ ਪੌਦਿਆਂ ਵਿਚ ਚਿੱਟੇ ਰੰਗ ਦੇ ਫੁੱਲ ਹੁੰਦੇ ਹਨ। ਧਨੀਏ ਦੀ ਕੁੰਭਰਾਜ ਕਿਸਮ ਉਕਥਾ ਰੋਗ ਅਤੇ ਭੂਤੀਆ ਰੋਗ ਪ੍ਰਤੀ ਰੋਧਕ ਹੈ। ਇਸ ਕਿਸਮ ਤੋਂ ਕਿਸਾਨ 5.6 ਤੋਂ 6 ਕੁਇੰਟਲ ਪ੍ਰਤੀ ਏਕੜ ਝਾੜ ਲੈ ਸਕਦੇ ਹਨ।
ਆਰਸੀਆਰ 41 ਕਿਸਮ: ਧਨੀਏ ਦੀ ਇਹ ਸੁਧਰੀ ਕਿਸਮ 130 ਤੋਂ 140 ਦਿਨਾਂ ਵਿੱਚ ਪੱਕ ਜਾਂਦੀ ਹੈ। ਇਹ ਕਿਸਮ 9 ਤੋਂ 11 ਕੁਇੰਟਲ ਪ੍ਰਤੀ ਹੈਕਟੇਅਰ ਝਾੜ ਦਿੰਦੀ ਹੈ। ਇਸ ਕਿਸਮ ਦੇ ਦਾਣੇ ਆਕਾਰ ਵਿਚ ਛੋਟੇ ਹੁੰਦੇ ਹਨ। ਆਰਸੀਆਰ 41 ਕਿਸਮ ਲੰਬੀ, ਗੁਲਾਬੀ ਫੁੱਲ, ਸੜਨ ਪ੍ਰਤੀ ਰੋਧਕ ਅਤੇ ਸਟੈਮਗਲ ਰੋਗ ਪ੍ਰਤੀ ਰੋਧਕ ਹੈ।
ਇਹ ਵੀ ਪੜ੍ਹੋ: ਨਵੇਂ ਤਰੀਕੇ ਨਾਲ ਉਗਾਓ ਧਨੀਆ, ਦਿਨਾਂ ਵਿੱਚ ਬਣ ਜਾਓ ਲੱਖਪਤੀ
ਸਿੰਪੋ ਐਸ 33 ਕਿਸਮ: ਸਿੰਪੋ ਐਸ 33 ਕਿਸਮ ਦੇ ਧਨੀਏ 140 ਤੋਂ 150 ਦਿਨਾਂ ਵਿੱਚ ਤਿਆਰ ਹੋ ਜਾਂਦੇ ਹਨ। ਧਨੀਏ ਦੀ ਇਹ ਕਿਸਮ 7.2 ਤੋਂ 8 ਕੁਇੰਟਲ ਪ੍ਰਤੀ ਏਕੜ ਝਾੜ ਦਿੰਦੀ ਹੈ। ਇਸ ਕਿਸਮ ਦੇ ਦਾਣੇ ਕਾਫ਼ੀ ਵੱਡੇ ਅਤੇ ਅੰਡਾਕਾਰ ਆਕਾਰ ਦੇ ਹੁੰਦੇ ਹਨ। ਇਸ ਦੇ ਨਾਲ ਹੀ ਧਨੀਏ ਦੀ ਇਹ ਕਿਸਮ ਉਕਥਾ ਰੋਗ, ਸਟੈਮਗਲ ਰੋਗ ਅਤੇ ਭਭੂਤੀਆ ਰੋਗ ਪ੍ਰਤੀ ਰੋਧਕ ਹੈ।
ਹਿਸਾਰ ਸੁਗੰਧ ਕਿਸਮ: ਇਹ ਕਿਸਮ ਖੇਤ ਵਿੱਚ 120 ਤੋਂ 125 ਦਿਨਾਂ ਵਿੱਚ ਪੱਕ ਜਾਂਦੀ ਹੈ। ਇਸ ਕਿਸਮ ਦੇ ਧਨੀਏ ਤੋਂ ਕਿਸਾਨ 19 ਤੋਂ 21 ਕੁਇੰਟਲ ਪ੍ਰਤੀ ਹੈਕਟੇਅਰ ਝਾੜ ਲੈ ਸਕਦੇ ਹਨ। ਇਸ ਕਿਸਮ ਦੇ ਦਾਣੇ ਦਰਮਿਆਨੇ ਆਕਾਰ ਦੇ ਹੁੰਦੇ ਹਨ।
ਆਰਸੀਆਰ 446 ਕਿਸਮ: ਧਨੀਏ ਦੀ ਇਹ ਸੁਧਰੀ ਕਿਸਮ ਗੈਰ ਸਿੰਜਾਈ ਵਾਲੇ ਖੇਤਰਾਂ ਲਈ ਢੁਕਵੀਂ ਮੰਨੀ ਜਾਂਦੀ ਹੈ। ਇਹ ਕਿਸਮ 110 ਤੋਂ 130 ਦਿਨਾਂ ਵਿੱਚ ਪੱਕ ਜਾਂਦੀ ਹੈ ਅਤੇ ਇਸ ਕਿਸਮ ਤੋਂ ਕਿਸਾਨ 4.1 ਤੋਂ 5.2 ਕੁਇੰਟਲ ਪ੍ਰਤੀ ਏਕੜ ਝਾੜ ਪ੍ਰਾਪਤ ਕਰ ਸਕਦੇ ਹਨ। ਆਰਸੀਆਰ 446 ਕਿਸਮ ਦੇ ਧਨੀਏ ਦਾ ਦਾਣਾ ਵੀ ਦਰਮਿਆਨਾ ਹੁੰਦਾ ਹੈ। ਇਸ ਦੇ ਨਾਲ ਹੀ ਇਹ ਕਿਸਮ ਉਕਥਾ ਰੋਗ, ਸਟੈਮਗਲ ਬਿਮਾਰੀ ਅਤੇ ਭਭੂਤੀਆ ਬਿਮਾਰੀ ਪ੍ਰਤੀ ਰੋਧਕ ਹੈ।
Summary in English: Coriander Varieties: These Top 5 Improved Varieties of Coriander will give bumper production at low cost, know their features
