PM Jan-Dhan Account update
ਆਮ ਲੋਕਾਂ ਅਤੇ ਗਰੀਬ ਲੋਕਾਂ ਨੂੰ ਬੈਂਕ ਨਾਲ ਜੋੜਨ ਅਤੇ ਯੋਜਨਾਵਾਂ ਦਾ ਲਾਭ ਦੇਣ ਲਈ ਪ੍ਰਧਾਨ ਮੰਤਰੀ ਜਨ ਧਨ ਯੋਜਨਾ 2014 ਵਿੱਚ ਸ਼ੁਰੂ ਕੀਤੀ ਗਈ ਸੀ। ਜਿਸ ਤਹਿਤ ਲੋਕਾਂ ਨੂੰ ਦੋ ਲੱਖ ਦੇ ਬੀਮੇ ਅਤੇ ਡਰਾਫਟ ਦਾ ਲਾਭ ਦਿੱਤਾ ਜਾਂਦਾ ਹੈ। ਇਸ ਸਕੀਮ ਤਹਿਤ ਲੋਕਾਂ ਨੂੰ ਕਈ ਹੋਰ ਲਾਭ ਵੀ ਦਿੱਤੇ ਜਾਂਦੇ ਹਨ। ਜਿਸ ਕਾਰਨ ਹੁਣ ਤੱਕ ਕਰੋੜਾਂ ਲੋਕ ਇਸ ਯੋਜਨਾ ਨਾਲ ਜੁੜ ਚੁੱਕੇ ਹਨ। ਇਸ ਦੇ ਮੱਦੇਨਜ਼ਰ ਵਿੱਤ ਮੰਤਰਾਲੇ (Finance ministry) ਵੱਲੋਂ ਵੱਡਾ ਅਪਡੇਟ ਜਾਰੀ ਕੀਤਾ ਗਿਆ ਹੈ। ਵਿੱਤ ਮੰਤਰਾਲੇ ਦੇ ਅੰਕੜਿਆਂ ਤੋਂ ਪਤਾ ਲੱਗਾ ਹੈ ਕਿ ਪ੍ਰਧਾਨ ਮੰਤਰੀ ਜਨ-ਧਨ ਖਾਤੇ (PMJDY) ਦੇ ਤਹਿਤ ਖੋਲ੍ਹੇ ਗਏ ਬੈਂਕ ਖਾਤਿਆਂ ਵਿੱਚ ਜਮ੍ਹਾਂ ਰਕਮ 1.5 ਲੱਖ ਕਰੋੜ ਰੁਪਏ ਨੂੰ ਪਾਰ ਕਰ ਗਈ ਹੈ।
ਇੱਕ ਪੀਟੀਆਈ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਵਿੱਤ ਮੰਤਰਾਲੇ ਦੇ ਤਾਜ਼ਾ ਅੰਕੜਿਆਂ ਅਨੁਸਾਰ, ਦਸੰਬਰ 2021 ਵਿੱਚ 44.23 ਕਰੋੜ ਪ੍ਰਧਾਨ ਮੰਤਰੀ ਜਨ ਧਨ ਯੋਜਨਾ (ਪੀਐਮਜੇਡੀਵਾਈ) ਖਾਤਿਆਂ ਵਿੱਚ ਕੁੱਲ ਬਕਾਇਆ 1,50,939.36 ਕਰੋੜ ਰੁਪਏ ਤੱਕ ਪਹੁੰਚ ਗਈ ਹੈ। ਰਿਪੋਰਟ ਵਿੱਚ ਦੱਸਿਆ ਗਿਆ ਹੈ ਕਿ ਸਕਾਲਰਸ਼ਿਪ, ਸਬਸਿਡੀਆਂ, ਪੈਨਸ਼ਨਾਂ ਅਤੇ ਕੋਵਿਡ ਰਾਹਤ ਫੰਡਾਂ ਵਰਗੇ ਲਾਭ ਇਹਨਾਂ ਖਾਤਿਆਂ ਵਿੱਚ ਡਾਇਰੈਕਟ ਬੈਨੀਫਿਟ ਟ੍ਰਾਂਸਫਰ (DBT) ਰਾਹੀਂ ਬੈਂਕ ਖਾਤਿਆਂ ਵਿੱਚ ਜਮ੍ਹਾ ਕੀਤੇ ਜਾਂਦੇ ਹਨ।
ਕਿਹੜੇ ਬੈਂਕਾਂ ਵਿੱਚ ਹਨ ਕਿੰਨੇ ਖਾਤੇ ?
ਵਿੱਤ ਮੰਤਰਾਲੇ ਦੇ ਅੰਕੜਿਆਂ ਅਨੁਸਾਰ ਕੁੱਲ 44.23 ਕਰੋੜ ਖਾਤਿਆਂ ਵਿੱਚੋਂ 34.9 ਕਰੋੜ ਜਨਤਕ ਖੇਤਰ ਦੇ ਬੈਂਕਾਂ ਵਿੱਚ, 8.05 ਕਰੋੜ ਖੇਤਰੀ ਪੇਂਡੂ ਬੈਂਕਾਂ ਵਿੱਚ ਅਤੇ ਬਾਕੀ 1.28 ਕਰੋੜ ਨਿੱਜੀ ਖੇਤਰ ਦੇ ਬੈਂਕਾਂ ਵਿੱਚ ਸਨ। ਨਾਲ ਹੀ, 31.28 ਕਰੋੜ PMJDY ਲਾਭਪਾਤਰੀਆਂ ਨੂੰ RuPay ਡੈਬਿਟ ਕਾਰਡ ਜਾਰੀ ਕੀਤੇ ਗਏ ਸਨ। ਇਹ ਕਾਰਡ ਵਰਤੇ ਜਾਣ ਕਾਰਨ ਅੱਗੇ ਵੀ ਵਧਾ ਦਿੱਤੇ ਗਏ ਹਨ। ਅੰਕੜਿਆਂ ਦੇ ਅਨੁਸਾਰ, ਪੇਂਡੂ ਅਤੇ ਅਰਧ-ਸ਼ਹਿਰੀ ਬੈਂਕ ਸ਼ਾਖਾਵਾਂ ਵਿੱਚ 29.54 ਕਰੋੜ ਜਨ ਧਨ ਖਾਤੇ ਹਨ। 29 ਦਸੰਬਰ, 2021 ਤੱਕ, ਲਗਭਗ 24.61 ਕਰੋੜ ਖਾਤਾਧਾਰਕ ਔਰਤਾਂ ਸਨ। ਯੋਜਨਾ ਦੇ ਪਹਿਲੇ ਸਾਲ ਦੌਰਾਨ, 17.90 ਕਰੋੜ PMJDY ਖਾਤੇ ਖੋਲ੍ਹੇ ਗਏ ਸਨ।
ਖਾਤੇ ਵਿੱਚ ਕਿੰਨਾ ਹੋਣਾ ਚਾਹੀਦਾ ਹੈ ਬਕਾਇਆ
ਭਾਰਤੀ ਰਿਜ਼ਰਵ ਬੈਂਕ (ਆਰ.ਬੀ.ਆਈ.) ਦੇ ਨਿਰਦੇਸ਼ਾਂ ਅਨੁਸਾਰ ਇਹਨਾਂ ਖਾਤਿਆਂ ਵਿੱਚ ਬੈਲੇਂਸ ਬਣਾਉਣ ਦੀ ਕੋਈ ਸੀਮਾ ਨਹੀਂ ਹੈ। ਖਾਤੇ ਵਿੱਚ ਜ਼ੀਰੋ ਬੈਲੇਂਸ ਹੋਣ 'ਤੇ ਵੀ ਤੁਹਾਡਾ ਖਾਤਾ ਜਾਰੀ ਰਹੇਗਾ। 8 ਦਸੰਬਰ, 2021 ਤੱਕ, ਜ਼ੀਰੋ ਬੈਲੇਂਸ ਖਾਤਿਆਂ ਦੀ ਕੁੱਲ ਸੰਖਿਆ 3.65 ਕਰੋੜ ਸੀ, ਜੋ ਕੁੱਲ ਜਨ ਧਨ ਖਾਤਿਆਂ ਦਾ ਲਗਭਗ 8.3 ਫੀਸਦੀ ਹੈ।
ਕਿਹੜੀਆਂ ਸੇਵਾਵਾਂ ਦਿੰਦਾ ਹੈ ਇਹ ਯੋਜਨਾ?
PMJDY ਦੀ ਘੋਸ਼ਣਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੁਆਰਾ 15 ਅਗਸਤ 2014 ਨੂੰ ਆਪਣੇ ਸੁਤੰਤਰਤਾ ਦਿਵਸ ਦੇ ਸੰਬੋਧਨ ਵਿੱਚ ਕੀਤੀ ਗਈ ਸੀ, ਅਤੇ ਵਿੱਤੀ ਸਮਾਵੇਸ਼ ਨੂੰ ਉਤਸ਼ਾਹਿਤ ਕਰਨ ਲਈ 28 ਅਗਸਤ 2014 ਨੂੰ ਉਸੇ ਸਮੇਂ ਸ਼ੁਰੂ ਕੀਤੀ ਗਈ ਸੀ। ਇਹ ਖਾਤਾ ਇਸ ਲਈ ਸ਼ੁਰੂ ਕੀਤਾ ਗਿਆ ਸੀ ਤਾਂ ਜੋ ਲੋਕਾਂ ਨੂੰ ਵਿੱਤੀ ਸਹੂਲਤਾਂ ਆਸਾਨੀ ਨਾਲ ਮਿਲ ਸਕਣ। ਇਹਨਾਂ ਸੇਵਾਵਾਂ ਵਿੱਚ ਬੈਂਕਿੰਗ, ਰਿਮਿਟੈਂਸ, ਕ੍ਰੈਡਿਟ, ਬੀਮਾ, ਪੈਨਸ਼ਨ ਆਦਿ ਸ਼ਾਮਲ ਹਨ।
ਇਹ ਵੀ ਪੜ੍ਹੋ : ਮੋਦੀ ਸਰਕਾਰ ਹਰ ਮਹੀਨੇ ਦੇ ਰਹੀ ਹੈ 3000 ਰੁਪਏ, ਕਰਨਾ ਹੈ ਇਹ ਕਮ
Summary in English: PM Jan-Dhan Account update: Find out what these statistics of Finance Ministry say
